తెలంగాణ: విద్యుదాఘాతంతో శ్రీకాకుళం వ్యక్తి మృతి

విద్యుదాఘాతంతో భవన కార్మికుడు మృతి చెందిన ఘటన తెలంగాణలోని మేడ్చల్ జిల్లా జీడిమెట్ల పరిధిలో జరిగింది. శ్రీకాకుళం జిల్లాకు చెందిన సూర్యనారాయణగా మృతుడిని గుర్తించారు.

హైదరాబాద్ మహా నగరంలో.. మేడ్చల్​ జిల్లా జీడిమెట్ల పరిధిలో విషాదం జరిగింది. విద్యుదాఘాతంతో భవన నిర్మాణ కార్మికుడు మృతి చెందాడు. శ్రీకాకుళం జిల్లాకు చెందిన సూర్యనారాయణ ఉపాధి కోసం కుటుంబంతో సహా నగరానికి వలస వచ్చి జీడిమెట్లలో ఉంటున్నాడు.

రోజూ మాదిరిగానే ఆదర్శనగర్​లో భవన నిర్మాణ పనికి వెళ్లాడు. గోవా కట్టెలు కడుతుండగా ప్రమాదవశాత్తు పక్కనున్న విద్యుత్​తీగలు తగిలి కిందపడి అక్కడికక్కడే మృతి చెందాడు. సమాచారం అందుకున్న పోలీసులు కేసు నమోదు చేసుకుని... మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు.