తెలంగాణలోని కామారెడ్డి జిల్లాలో చిరుత సంచారం కలకలం సృష్టిస్తోంది. ఆదివారం ఉదయం నుంచి పులి వివిధ ప్రాంతాల్లో సంచరిస్తుండటం స్థానిక ప్రజలను భయ భ్రాంతులకు గురి చేస్తోంది. సదాశివనగర్ మండలం లింగంపల్లి గ్రామ శివారులో ఓ పశువుల కాపరి.. చిరుతను చూసి అటవీ శాఖ అధికారులకు, గ్రామస్థులకు సమాచారం అందించాడు.
మధ్యాహ్నం సమయంలో ఎల్లారెడ్డి మండలం వెల్లుట్లపేటలో మేకల మందపై చిరుత దాడి చేసి ఒక మేకను చంపేసింది. చిరుత దాడితో స్థానికులు భయాందోళనకు గురవుతున్నారు.