ప్రకాశం జిల్లా మేదరమెట్లలో ఓ వ్యక్తి ఇంట్లో ఎవరూ లేని సమయంలో ఫ్యాన్కు ఉరివేసుకొని ఆత్మహత్య చేసుకున్నాడు. పోలీసులు తెలిపిన వివరాల ప్రకారం... మెదరమెట్లకు చెందిన నాగ సురేశ్‌ అనే వ్యక్తి ఒంగోలుకు చెందిన కొందరితో వ్యాపారం చేశాడు. వాటాదారులు పెట్టిన ఇబ్బందులతో.. లక్షల రూపాయలు అప్పులు చేశాడు. దీంతో కుటుంబసభ్యుల ప్రేమకు దూరమయ్యాడు.
ఆర్థిక ఇబ్బందులు, రాజకీయపరమైన వేధింపులే తన ఆత్మహత్యకు కారణమని సూసైడ్ నోట్లో పేర్కొన్నాడు. వ్యాపార భాగస్వాములు లక్షల రూపాయలు ఇవ్వాల్సి ఉందని.. అత్త కూడా తన చావుకు కారణమని లేఖలో పేర్కొన్నాడు. మృతుని భార్య ఫిర్యాదు మేరకు కేసు నమోదు చేసుకున్నట్లు పోలీసులు తెలిపారు.