Ameerpet Metro News : హైదరాబాద్‌లోని అమీర్‌పేట మెట్రో స్టేషన్‌లో ఓ యువతి పట్ల అసభ్యంగా ప్రవర్తించిన యువకుడిని ఎస్సార్‌నగర్ పోలీసులు అరెస్టు చేశారు. ఖైరతాబాద్‌కు చెందిన ఓ యువతి(23) మంగళవారం రోజున అమీర్‌పేటలో షాపింగ్ ముగించుకుని తిరిగి ఖైరతాబాద్‌ వెళ్లేందుకు అమీర్‌పేట మెట్రో స్టేషన్‌ లిఫ్ట్ ఎక్కింది. అమె వెనకే లిఫ్ట్‌లోకి ప్రవేశించిన రాజు(19) అనే యువకుడు తన దుస్తులు విప్పి, అసభ్య చేష్టలతో హడలెత్తించాడు.
వెంటనే ఆమె లిఫ్ట్‌లో నుంచి పరుగున బయటకొచ్చి మెట్రో సిబ్బందికి చెప్పింది. వారు రాజును పట్టుకుని పోలీసులకు అప్పగించారు. ఒడిశా రాష్ట్రానికి చెందిన రాజు రోజు మెట్రో స్టేషన్‌ లిఫ్ట్ వద్దే ఉంటూ ఒంటరిగా వెళ్లే మహిళల ముందు ఇదే తీరుగా అసభ్యంగా వ్యవహరిస్తున్నట్లు పోలీసులు గుర్తించారు. రాజును అరెస్టు చేసి రిమాండుకు తరలించినట్లు ఇన్‌స్పెక్టర్ సైదులు తెలిపారు.
- ఇదీ చదవండి :