తెలంగాణ: కూరగాయల మార్కెట్​లో వ్యాన్ బీభత్సం... ఇద్దరికి గాయాలు

తెలంగాణలోని నిజామాబాద్​ భీంగల్ కూరగాయల మార్కెట్​లో వ్యాన్ బీభత్సం సృష్టించింది. బాలుడు వాహనాన్ని నడపడం వల్ల ఈ ప్రమాదం జరిగింది. ఈ ఘటనలో ఓ బాలిక సహా మరో బాలుడికి గాయాలయ్యాయి. స్థానికంగా ఉన్న పలువురు మహిళలు ప్రాణాలతో బయటపడ్డారు.

తెలంగాణలోని నిజామాబాద్ జిల్లా భీంగల్ మార్కెట్లో కూరగాయల వ్యాన్ బీభత్సం సృష్టించింది. కూరగాయలు దింపిన తర్వాత డ్రైవింగ్ రాని బాలుడు వాహనాన్ని నడపడంతో ప్రమాదం చోటు చేసుకుంది. సాయంత్రం సమయంలో వేగంగా వచ్చిన వ్యాన్... రెండు కార్లను తప్పించి ఇద్దరిని ఢీకొట్టి ఓ దుకాణంలోకి దూసుకెళ్లింది.

ఈ ప్రమాదంలో ఓ బాలిక, మరో యువకుడు గాయపడ్డారు. క్షతగాత్రులను చికిత్స కోసం ఆస్పత్రికి తరలించారు. ప్రమాదం జరిగే సమయంలో స్థానికంగా ఉన్న పలువురు మహిళలు ప్రాణాలతో బయటపడ్డారు.

ఇదీ చదవండి:ఒకే అమ్మ కడుపున పుట్టినా.. ఆస్తి కోసం రక్తబంధాన్ని తెంచాడు!