Theft in kavali police station: నెల్లూరు జిల్లా కావలి ఒకటో పట్టణ పోలీస్ స్టేషన్లో రెండు బైకులు అపహరణకు గురయ్యాయి. విషయం తెలుసుకున్న పోలీసులు విచారణ చేపట్టగా.. ఆశ్చర్యపోయే నిజాలు బయటపడ్డాయి. ఈ దొంగతనం చేసింది.. లాయర్ కోటు వేసుకున్న దొంగ!
గతంలో పాత నేరస్థుడైన రమణి రాజేంద్ర కుమార్ (31) నెల్లూరులోని జవాహర్ రెడ్డి కాలనీలో నకిలీ లాయర్గా అవతారమెత్తాడు. పలువురు సీనియర్ లాయర్ల దగ్గర పనిచేస్తూ.. పోలీస్ స్టేషన్కు వస్తూ.. పోతూ ఉండేవాడు.
ఈ క్రమంలోనే.. ఠాణాలోని ద్విచక్రవాహనాలపై అతని కన్ను పడింది. ఎలా కాజేశాడో గానీ.. స్టేషన్లోని పోలీసులకు తెలియకుండా.. సీజ్ చేసి స్టేషన్లో పెట్టిన TS 08 FW 3605 టీవీఎస్ జూపిటర్, AP 26 AT 7927 యమహా బైక్లను దొంగలించాడు.
కేసు నమోదు చేసిన పోలీసులు.. విచారణ చేపట్టి రాజేంద్ర కుమార్ను అదుపులోకి తీసుకున్నారు. అతని వద్ద నుండి రూ. 1.40 లక్షల విలువైన రెండు బైకులను స్వాధీనం చేసుకుని.. రిమాండ్కు తరలించారు.
ఇదీ చదవండి:'డబ్బు అడిగితే ఇచ్చేవాడిని.. కానీ నా భార్యను అడిగాడు'
