Secunderabad riots update: సికింద్రాబాద్ రైల్వేస్టేషన్ విధ్వంసం కేసులో పోలీసుల దర్యాప్తు కొనసాగుతోంది. సాయి డిఫెన్స్‌ అకాడమీ నిర్వాహకుడు ఆవుల సుబ్బారావు, శివను పోలీసులు రెండో రోజు విచారిస్తున్నారు. రైల్వేస్టేషన్లో ఆందోళన కంటే ముందుగానే కీలక నిందితులతో సుబ్బారావు.. మాట్లాడినట్టు పోలీసులు గుర్తించారు. ఇవాళ సుబ్బారావు, శివను అరెస్టు చేసే అవకాశం ఉందని తెలుస్తోంది. విధ్వంసంలో సాయి డిఫెన్స్‌ అకాడమీ అభ్యర్ధులు కీలకంగా వ్యవహరించినట్టు పోలీసులు భావిస్తున్నారు.
సుబ్బారావు, శివ రెండో రోజు విచారణ.. ఇవాళ అరెస్ట్ చేసే అవకాశం - Secunderabad protest accused
Secunderabad riots update: సికింద్రాబాద్ రైల్వేస్టేషన్ అల్లర్ల కేసులో పోలీసులు దర్యాప్తు ముమ్మరం చేశారు. విధ్వంసానికి యువకులకు ఉసిగొల్పిన ఆవుల సుబ్బారావు, శివను పోలీసులు రెండో రోజు విచారిస్తున్నారు. వీళ్లిద్దరిని ఇవాళ అరెస్ట్ చేసే అవకాశమున్నట్టు సమాచారం.
సుబ్బారావు, శివ రెండో రోజు విచారణ
ఈ అల్లర్ల ఘటనలో ఇప్పటికే 63 మందిని పోలీసులు నిందితులుగా చేర్చారు. అంతకు ముందుకు 45 మందిని అరెస్ట్ చేసిన పోలీసులు.. నిన్న ఏ-2 పృథ్వీరాజ్తో పాటు మరో 9 మందిని అరెస్ట్ చేసి రిమాండ్కు తరలించారు. వాళ్లందరిని అదుపులోకి తీసుకుని విచారించిన అనంతరం పలు సెక్షన్ల కింద కేసు నమోదు చేసి.. నిందితులుగా చేర్చారు. ఆ తర్వాత వాళ్లను సికింద్రాబాద్ రైల్వే కోర్టులో హాజరుపర్చారు. మెజిస్ట్రేట్ ముందు హాజరుపర్చిన తర్వాత వారిని చంచల్గూడ జైలుకి తరలించారు. దీంతో ఇప్పటి వరకు 55 మందిని అరెస్టు చేసినట్టైంది. పరారీలో ఉన్న మరో 8 మంది కోసం పోలీసులు గాలిస్తున్నారు.
ఇవీ చూడండి: