శ్రీకాకుళం జిల్లా వీరఘట్టం మండలం నడిమికెళ్ల గ్రామానికి చెందిన ఓ మహిళ పాము కాటుతో మృతి చెందింది. గ్రామానికి చెందిన యాసి లక్ష్మీ శనివారం సాయంత్రం వరి గడ్డి కోస్తుండగా పాము కాటేసింది. వెంటనే ప్రైవేటు వాహనంలో వీరఘట్టంలోని ఆసుపత్రికి తరలించగా చికిత్స పొందుతూ ఆమె ప్రాణాలు కోల్పోయింది. స్థానికులు 108కి సమాచారం ఇచ్చినా.. వాహనం రాలేదని కుటుంబ సభ్యులు ఆరోపిస్తున్నారు. సకాలంలో స్పందించాల్సిన వాహనాలు రాకపోవడంతో ప్రాణాలు కోల్పోయిందని ఆందోళన వ్యక్తం చేశారు. ఇప్పటికైనా అధికారులు స్పందించి అంబులెన్స్లను అందుబాటులో ఉంచాలని కోరుతున్నారు.
ఇదీ చదవండి: