RAPE: బాలికపై వృద్దుడు అత్యాచారం

మెదక్ జిల్లా నిజాంపేట మండలం నార్లాపూర్​లో దారుణం చోటు చేసుకుంది. ఓ మైనర్​ బాలిక (17)పై ఓ వృద్ధుడు పలుమార్లు అత్యాచారానికి పాల్పడ్డాడు.

మెదక్ జిల్లా నిజాంపేట మండలం నార్లాపూర్​లో దారుణం జరిగింది. ఓ మైనర్​ బాలిక (17)పై ఓ వృద్ధుడు పలుమార్లు అత్యాచారానికి పాల్పడ్డాడు. దీంతో బాలిక గర్భం దాల్చింది. ఇటీవల బాలిక నీరసంగా ఉంటుండంతో కుటుంబసభ్యులు ఆసుపత్రికి తీసుకెళ్లగా.. బాలిక గర్భం దాల్చినట్లు వైద్యులు తేల్చారు. దీంతో ఆసలు విషయం వెలుగులోకి వచ్చింది.

ఘటనపై కుటుంబసభ్యులు పోలీసులకు ఫిర్యాదు చేశారు. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు. బాలిక ఇంట్లో టీవీ చూడటానికి వచ్చిన సమయంలో వృద్ధుడు అఘాయిత్యానికి పాల్పడినట్లు తేలింది.