కూతురును పాఠశాల వద్ద దింపి.. అంతలోనే అనంతలోకాలకు..
కూతురును పాఠశాల వద్ద దింపి టాటా చెప్పాడు. అంతలోనే అనంతలోకాలకు వెళ్లాడు. తెలంగాణ రాష్ట్రం ఖమ్మం బైపాస్‌ రోడ్డులో జరిగిన రోడ్డు ప్రమాదంలో ఓ ఉపాధ్యాయుడు మృతి చెందాడు. ఖమ్మం నగరంలో నివాసం ఉండే యల్‌.రాజశేఖర్‌ తల్లాడ మండలంలో ఉపాధ్యాయుడిగా పనిచేస్తున్నారు. 10వ తరగతి చదువుతున్న తన కూతురును పాఠశాల వద్ద దించేందుకు వచ్చాడు. పాపను దించి కొద్ది దూరం వెళ్లి మలుపు తిరుగుతుండగా వెనుక నుంచి వచ్చిన కారు ఢీకొంది. దీంతో తీవ్రగాయాలు అయిన రాజశేఖర్‌ను హైదరాబాద్‌ తరలిస్తుండగా మధ్యలో సూర్యాపేట వద్ద మృతి చెందారు.