GANJA:పుష్ప సినిమాలో పాటలు ఎంత ఫేమస్ అయ్యాయో.. అక్రమ రవాణా ఎలా చేయాలనే ట్రిక్స్ కూడా అంతే పాపులర్ అయ్యాయి. ఆ సినిమాలో ఎర్ర చందనాన్ని ఎలాగైతే పాల వ్యాన్ మధ్యలో పెట్టి తరలించారో.. ఇక్కడ కూడా అదే తరహాలో గంజాయిని తరలించే ప్రయత్నం చేశారు. అయితే.. పాల వ్యాన్లో కాదు.. కారు డోర్ల సందుల్లో పెట్టి రవాణా చేశారు. కానీ.. గమ్యం చేరకుండానే వారి గుట్టు రట్టు అయ్యింది.
ఇదీ జరిగింది : గంజాయి రవాణా చేస్తున్న రెండు స్కార్పియో వాహనాలను ఎక్సైజ్ అధికారులు స్వాధీనం చేసుకున్నారు. ఈ ఘటన అల్లూరి సీతారామరాజు జిల్లా పాడేరు శివారులో జరిగింది. గంజాయి తరలిస్తున్నారన్న ముందస్తు సమాచారం మేరకు.. పాడేరు మండలం చింతలవీధి కూడలి వద్ద ఎక్సైజ్ సిబ్బంది వాహనాలు తనిఖీ చేస్తున్నారు. ఆ సమయంలో.. దిల్లీ రిజిస్ట్రేషన్ నెంబర్ కలిగిన రెండు స్కార్పియో వాహనాలు అటువైపుగా వచ్చాయి. దీంతో.. వాటిని అడ్డగించిన ఎక్సైజ్ పోలీసులు.. తనిఖీలు చేపట్టారు. వాహనాల్లో సాధారణ ప్రాంతాల్లో ఎక్కడా గంజాయి లభించలేదు. కానీ.. సినీఫక్కీలో డోర్ల మధ్య దాచిపెట్టిన గంజాయి ప్యాకెట్లను సిబ్బంది చాకచక్యంగా వెలికితీశారు. డ్రైవర్లను అదుపులోకి తీసుకున్న ఎక్సైజ్ సిబ్బంది.. దర్యాప్తు చేస్తున్నారు.
ఇవీ చదవండి: