CAR: కారుకు పూజ చేసి రోడ్డెక్కబోయిన ఓ కారు యజమాని.. అదుపుతప్పి ఏటీఎం సెంటర్లోకి దూసుకెళ్లాడు. విశాఖ జిల్లా భీమునిపట్నం మండలం చిప్పాడలో ఈ ఘటన చోటు చేసుకుంది. సిటీనగర్లోని చర్చి వద్ద పూజా కార్యక్రమాలు పూర్తైన అనంతరం కారును నడిపే క్రమంలో.. అదుపు తప్పి పక్కనే ఉన్న ఏటీఎం సెంటర్లోకి దూసుకుపోయింది. ఆ సమయంలో ఏటీఎంలో ఎవరూ లేకపోవడంతో ప్రమాదం తప్పింది. ఈ ప్రమాదంలో కారు అద్దాలు ధ్వంసం కావడంతో పాటు.. ఏటీఎం డోర్ కూడా ధ్వంసమైంది. ఈ దృశ్యాలు సీసీ టీవీ కెమెరాలో రికార్డయ్యాయి. ఈ ఘటనపై భీమునిపట్నం పోలీసులు కేసు నమోదు చేసి దర్యాప్తు చేస్తున్నారు.
ఏటీఎం సెంటర్లోకి దూసుకెళ్లిన కారు