Fire in Car: నెల్లూరు జిల్లా కొడవలూరు మండలంలో కారు దగ్థమైంది. విజయకుమార్ అనే వ్యక్తి తన భార్యతో కలిసి బుచ్చి నుంచి విడవలూరు మండలంలోని భద్రాచలానికి వెళ్తుండగా రాజుపాళెం సమీపంలో కారు బానెట్ నుంచి పొగలు వచ్చాయి. అది గమనించే లోపే ఒక్కసారిగా మంటలు చెలరేగాయి. అప్రమత్తమైన దంపతులిద్దరూ వెంటనే కారు దిగడంతో సురక్షితంగా బయటపడ్డారు. సమాచారం అందుకున్న అగ్నిమాపక సిబ్బంది సంఘటనా స్థలానికి చేరుకుని మంటలను అదుపు చేశారు. అప్పటికే కారు మొత్తం మంటలు వ్యాపించడంతో వాహనం పూర్తిగా దగ్దమైంది.
కారులో చెలరేగిన మంటలు.. తప్పిన ప్రాణాపాయం