సొంత చెల్లెలిపైనే అత్యాచారానికి పాల్పడ్డాడు ఓ కామాంధుడు. ఇంట్లో ఎవరూ లేని సందర్భంలో ఆ యువతిపై పలుమార్లు లొంగదీసుకుని తల్లిని చేశాడు. ఈ ఘటన తిరుపతి అలిపిరి పోలీస్స్టేషన్ పరిధిలో జరిగింది.
నగర శివారు కాలనీకి చెందిన ఓ వ్యక్తి రెండు దశాబ్దాల క్రితం ఓ మహిళను పెళ్లి చేసుకున్నాడు. వారికి ఇద్దరు మగ పిల్లలు. ఆ తర్వాత కొంత కాలానికి సదరు మహిళ భర్తను వదిలేసి మరో వ్యక్తిని రెండో పెళ్లి చేసుకుని ఇద్దరు బిడ్డలను తీసుకొని వెళ్లిపోయింది. భార్య వెళ్లిపోయాక అతను.. మరదలు వరసయ్యే యువతిని రెండో పెళ్లి చేసుకున్నాడు. వారికి ఇద్దరు కుమార్తెలు పుట్టారు. వీరు తిరుపతి నగర శివారు కాలనీలో నివాసం ఉంటున్నారు.
ఈ నేపథ్యంలో గత ఆరు నెలలుగా మొదటి భార్య కుమారుడు (16).. రెండో భార్య (పిన్నమ్మ) ఇంటికి వచ్చి వెళ్లేవాడు. పిన్నమ్మ కుమార్తె (14)ను బెదిరించి అత్యాచారానికి పాల్పడ్డాడు. పెద్దలకు చెబితే చంపేస్తానని బెదిరించాడు. గత కొన్ని రోజులుగా కుమార్తె శరీరంలోని మార్పులను గమనించిన తల్లి నిలదీసి అడగ్గా..అసలు విషయం చెప్పింది. దీంతో అలిపిరి పోలీసులను ఆశ్రయించారు. ఆ మేరకు పోక్సో కేసు నమోదు చేసి దర్యాప్తు చేస్తున్నట్లు సీఐ తెలిపారు.