mother threw the children in the river: భార్యభర్తల మధ్య వచ్చిన మనస్పర్ధలు ఏమీ తెలియని పసిపిల్లల చావుకు దారితీశాయి. నవ మాసాలు మోసి.. కనిపెంచిన తల్లి ఆ పిల్లలను వద్దు అనుకొని వాగులో విసిరేసింది. పోలీసులు తెలిపిన వివరాల ప్రకారం.. తెలంగాణలోని నిజామాబాద్ జిల్లా నాగారం సమీపంలోని చక్రనగర్‌తండాకు చెందిన అరుణ, మహారాష్ట్రలోని ఉద్గీర్‌కు చెందిన మోహన్‌ భార్యాభర్తలు. వారికి కుమారుడు యువరాజు, కుమార్తె అనోన్య ఉన్నారు.
గత కొన్ని రోజులుగా భార్యాభర్తల మధ్య గొడవలు జరుగుతున్నాయి. ఇటీవల పుట్టింటికి వచ్చిన అరుణకు భర్త ఫోన్‌ చేసి ఉద్గీర్‌ వచ్చేయాలని చెప్పారు. సోమవారం సాయంత్రం 4 గంటల సమయంలో ఆమె తల్లి గారి గ్రామం నుంచి బయలుదేరింది. దారిలో బాన్సువాడ శివారులోని వాగులో ఇద్దరు చిన్నారులను పడేసింది. చూసిన స్థానికులు వెంటనే వారిని బయటికి తీసి ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు.