హైదరాబాద్​లో కారు బీభత్సం.. ఇద్దరు మృతి, మరో ఇద్దరికి తీవ్రగాయాలు

Banjarahills Car Accident: హైదరాబాద్​లోని బంజారాహిల్స్‌లో ఓ కారు బీభత్సం సృష్టించింది. టిఫిన్​ చేస్తున్న ఇద్దరిపైకి దూసుకెళ్లింది. ఈ ఘటనలో ఇద్దరు అక్కడికక్కడే మృతి చెందగా, మరో ఇద్దరికి తీవ్ర గాయాలయ్యాయి.

Banjarahills Car Accident : తెలంగాణలో నూతన సంవత్సరం రోజు విషాదం చోటు చేసుకుంది. హైదరాబాద్​లోని బంజారాహిల్స్ రోడ్ నంబర్​ 3లో ఓ కారు బీభత్సం సృష్టించింది. జూబ్లీహిల్స్ చెక్​పోస్ట్ నుంచి పంజాగుట్ట వైపు వెళ్తున్న మారుతి కారు రాయల్ టిఫిన్ సెంటర్ వద్ద డివైడర్​ను ఢీ కొట్టి అదుపుతప్పి అపసవ్య దిశలోకి మళ్లింది. అనంతరం రోడ్డుపై నడుచుకుంటూ వెళ్తున్న ఇద్దరిని బలంగా ఢీకొట్టింది. ఆపై అక్కడ నిలిపి ఉన్న మరో రెండు కార్లను వెనుక నుంచి ఢీకొట్టి ఆగిపోయింది. ఈ ఘటనలో ఇద్దరు మృతి చెందారు. ప్రమాదానికి కారణమైన కారులో మరో ఇద్దరు గాయపడ్డారు.

విషయం తెలుసుకున్న పోలీసులు ఘటనా స్థలానికి చేరుకుని మృతదేహాలను ఉస్మానియాకు ఆసుపత్రికి తరలించారు. ప్రమాదానికి కారణమైన కారు డ్రైవర్​ను అదుపులోకి తీసుకున్నారు. ఈ మేరకు కేసు నమోదు చేసిన పోలీసులు దర్యాప్తు చేస్తున్నారు. నిందితులు మద్యం సేవించి వాహనం నడిపినట్లు పోలీసులు గుర్తించారు. మృతుల వివరాలు సేకరిస్తున్నారు.

ఇవీ చదవండి: