వేతన సవరణ చేయాలన్న డిమాండ్తో రెండు రోజులపాటు బ్యాంకు ఉద్యోగుల సమ్మెకు సంఘాలన్నీ సిద్ధమయ్యాయి. ఆర్థిక సంవత్సరం ముగింపు దశలో బ్యాంకుల సమ్మె ఆర్థిక కార్యకలాపాలపైనా, ప్రభుత్వ ఆదాయంపైనా తీవ్ర ప్రభావం చూపుతుందని బ్యాంకు ఉద్యోగుల సంఘాల ప్రతినిధులు చెబుతున్నారు.
బ్యాంకు ఉద్యోగుల యూనియన్లు 20 శాతం హైక్తో వేతన సవరణ కోరుతున్నాయని... 2017 నుంచి ఈ డిమాండ్ పెండింగ్లో ఉందని యునైటెడ్ ఫోరం ఆఫ్ బ్యాంకు యూనియన్స్ విశాఖ నేత సీడీబీ సుందర్ వెల్లడించారు. ఈ నేపథ్యంలో వేతన సవరణపై తక్షణ చర్యలు చేపట్టాలనే డిమాండ్తోనే జనవరి 31, ఫిబ్రవరి1న సమ్మెకు వెళ్తున్నట్లు తెలిపారు. ఈ సమ్మెలో దేశంలోని అన్ని బ్యాంకులు పాల్గొంటాయని వివరించారు. కేంద్రం దిగిరాకపోతే మాత్రం నిరవధిక సమ్మెకు సిద్ధంగా ఉన్నామని హెచ్చరించారు.
