హెగ్డే వ్యాఖ్యలకు వ్యతిరేకంగా ఏఐటీయూసీ నిరసన

బీఎస్​ఎన్​ఎల్​ ఉద్యోగులకు భాజపా ఎంపీ అనంత్​కుమార్ హెగ్డే​ క్షమాపణలు చెప్పాలంటూ విశాఖ సీతమ్మధార కార్యాలయం వద్ద ఏఐటీయూసీ నిరసన చేపట్టింది. లేని ఎడల ఉద్యమాన్ని ఉద్ధృతం చేస్తామన్నారు.

భాజపా ఎంపీ అనంత్​కుమార్​ హెగ్డే వ్యాఖ్యలకు వ్యతిరేకంగా విశాఖ సీతమ్మధార బీఎస్​ఎన్​ఎల్​ కార్యాలయం వద్ద ఏఐటీయూసీ నాయకులు ధర్నా చేశారు. బీఎస్​ఎన్​ఎల్​ ఉద్యోగులను దేశదోహ్రులని ఉద్దేశిస్తూ చేసిన వ్యాఖ్యలను వెంటనే ఉపసంహరించుకోవాలని ఏఐటీయూసీ జిల్లా కార్యదర్శి వామనమూర్తి డిమాండ్ చేశారు. ఉద్యోగులకు ఆయన క్షమాపణలు చెప్పాలని కోరారు. దేశ ప్రజలు కరోనా బారిన పడి ప్రాణ రక్షణ కోసం ఆందోళన చెందుతున్న తరుణంలో ఈ విధమైన వ్యాఖ్యలు ఏంటని ప్రశ్నించారు. ప్రభుత్వ సంస్థలను కార్పొరేట్లకు కట్టబెట్టేందుకు కేంద్రం తీవ్ర ప్రయత్నాలు చేస్తోందని విమర్శించారు. హెగ్డే క్షమాపణలు చెప్పకపోతే ఉద్యమం తీవ్రతరం చేస్తామని హెచ్చరించారు.

ఇదీ చదవండి :