కరోనా ఎఫెక్ట్​ : వాల్తేర్ డివిజన్​లో 36 రైళ్లు రద్దు

కరోనా వ్యాప్తి నిరోధంలో భాగంగా రైల్వేశాఖ ఇప్పటికే పలు రైళ్లు రద్దు చేసింది. రేపు విశాఖ వాల్తేర్ డివిజన్​లో 20 ప్యాసింజర్లు, 16 ఎక్స్​ప్రెస్ రైళ్లు రద్దు చేసింది. ఈ నెల 31 వరకు విశాఖ-సికింద్రాబాద్ దురంతో ఎక్స్​ప్రెస్​ను నిలిపివేస్తున్నట్లు ప్రకటించింది. ఏపీ ఎక్స్​ప్రెస్​ను రీషెడ్యూల్ చేసింది.

కరోనా ప్రభావంతో విశాఖ వాల్తేర్ డివిజన్​లో పలు రైళ్లు రద్దయ్యాయి. జనతా కర్ఫ్యూలో భాగంగా రేపు 20 ప్యాసింజర్లు, 16 ఎక్స్‌ప్రెస్‌ రైళ్లు రద్దయ్యాయి. ఈనెల 31 వరకు విశాఖ-సికింద్రాబాద్ దురంతో ఎక్స్‌ప్రెస్​ని నిలిపివేశారు. ఏపీ ఎక్స్‌ప్రెస్‌ రీషెడ్యూల్ చేశారు. రేపు రాత్రి 10.15 గం.కు విశాఖలో ఏపీ ఎక్స్​ప్రెస్ బయలుదేరనుంది.

రిఫండ్ గడువు పెంపు

రద్దయిన రైళ్లు, రద్దు చేసుకున్న ప్రయాణాల టిక్కెట్లకు నగదు పొందే గడువును రైల్వేశాఖ పెంచింది. గతంలో రైలు రద్దయితే 3 నుంచి 72 గంటల్లో రిఫండ్ తీసుకోవాలన్న నిబంధనను సడలించింది. ప్రస్తుతం 72 గంటల గడువును 45 రోజులకు రిఫండ్ గడువును పెంచింది. ప్రయాణం రద్దు చేసుకుంటే మూడ్రోజుల్లోగా రిఫండ్‌ చేసుకోవాలన్న నిబంధనను... 30 రోజులకు పెంచింది.

ఇదీ చదవండి :జనతా కర్ఫ్యూ కోసం 250కి పైగా రైళ్లు రద్దు