విశాఖ లాక్డౌన్ వివరాలు తెలుపుతున్న ఈటీవీ భారత్ ప్రతినిధి
విశాఖ జిల్లాలో ఇప్పటికే మూడు కరోనా పాజిటివ్ కేసులు నమోదయ్యాయి. ఈ వైరస్ వ్యాప్తి నివారణకు కట్టుదిట్టమైన చర్యలు చేపడుతున్నారు. విశాఖలో లాక్డౌన్ పటిష్టంగా అమలవుతోంది. ప్రజలు ఇళ్లకే పరిమితమయ్యారు. నిత్యావసర వస్తువులు, కూరగాయలు ప్రజలకు అందుబాటులో ఉంచారు. వివిధ కళాశాలల మైదానాల్లో రైతుబజార్లు నడుపుతున్నారు. విదేశాల నుంచి వచ్చిన వారిని గుర్తించి, స్వీయ నిర్బంధంలో ఉంచుతున్నారు. అత్యంత సున్నిత ప్రాంతాలుగా గుర్తించిన సీతమ్మధార, గాజువాక, అనకాపల్లి గ్రామీణ ప్రాంతాల్లో కరోనా వ్యాప్తి నివారణ చర్యలు మరింత విస్తృత పరిచారు. 94 బృందాలు విదేశాల నుంచి నగరంలోకి వచ్చిన వివరాలు సేకరించి నివేదిక రూపొందిస్తున్నారు.