విశాఖపట్నంలోని కశింకోట అగ్రహారం వీధి సాయి నగర్ లోని ఇంట్లో భారీ చోరీ జరిగింది. కశింకోట ఎస్సై సురేష్ కుమార్ తెలిపిన వివరాల ప్రకారం విశ్రాంత ఫుడ్ కార్పొరేషన్ ఉద్యోగి బండారు మహేశ్వరరావు, ఇతని భార్య జయలలిత కుటుంబ సభ్యులతో వారం రోజుల క్రితం తిరుపతి వెళ్లారు. తిరిగి ఇంటికి వచ్చేసరికి తలుపు తాళం పగులగొట్టి ఉంది.
లోనికి ప్రవేశించి, చూడగా.. బీరువాలో వస్తువులు చిందర వందరగా పడి ఉన్నాయి. బీరువాలోని 13 తులాల బంగారు వస్తువులు, 3 లక్షల రూపాయల నగదు అపహరించినట్లు బాధితుడు మహేశ్వరరావు.. పోలీసులకు ఫిర్యాదు చేశారు. ఈ మేరకు కేసు నమోదు చేసి దర్యాప్తు చేస్తున్నట్లు కశింకోట ఎస్ఐ సురేష్ కుమార్ తెలిపారు.