విశాఖలో ఎన్టీఆర్​కు తెదేపా నేతల నివాళులు

తెదేపా వ్యవస్థాపక అధ్యక్షుడు ఎన్టీఆర్ 24వ వర్ధంతిని పురస్కరించుకుని విశాఖలో ఆయనకు ఆ పార్టీ నేతలు నివాళులర్పించారు. ఆర్కే బీచ్ వద్ద ఉన్న ఎన్టీఆర్ విగ్రహానికి పూలమాలలు వేసి అంజలి ఘటించారు. ఈ కార్యక్రమంలో ఎమ్మెల్యేలు గంటా శ్రీనివాసరావు, వెలగపూడి రామకృష్ణ బాబు, వాసుపల్లి గణేశ్ కుమార్, మాజీ ఎమ్మెల్యే పల్లా శ్రీనివాసరావులు పాల్గొన్నారు. రాష్ట్రాభివృద్ధికోసం ఎన్టీఆర్ చేసిన కృషిని వారు గుర్తు చేసుకున్నారు. ఎన్టీఆర్ భవన్​లో రక్తదాన శిబిరం ఏర్పాటు చేశారు. పలువురు పార్టీ నేతలు, కార్యకర్తలు రక్తదానం చేశారు.

ఇదీ చదవండి