మన్యంలో మావోయిస్టులు కరోనా(CORONA) లక్షణాలతో సంచరిస్తున్నారనే సమాచారం తమ దగ్గర ఉందని విశాఖ జిల్లా ఎస్పీ కృష్ణారావు ఓ ప్రకటనలో తెలిపారు. సీపీఐ మావోయిస్టు పార్టీ గాలికొండ, కోరుకొండ, పెదబయలు, మావోయిస్టు దళ సభ్యులు, మిలీషియా సభ్యులకు కరోనా సోకిందని పోలీసులు ప్రకటించారు. వారికి సరైన వైద్యం అందకపోవడంతో ఈ మధ్యకాలంలో మావోయిస్టులు చనిపోయారనే విషయాన్ని మావోయిస్టు పార్టీ ధ్రువీకరించిందని ఆయన అన్నారు. ఏజెన్సీలో ప్రజలు అప్రమత్తంగా ఉండాలని.. ఒడిశా-ఆంధ్రా-చత్తీస్గఢ్ ప్రాంతాల్లో మావోయిస్టులు తిరగడం వల్ల.. పలువురికి కరోనా లక్షణాలు ఉన్నట్లు సమాచారం ఉందని.. ఆ ప్రాంతాల్లోని గిరిజనులు అప్రమత్తంగా ఉండాలన్నారు.
మన్నల్ని సంప్రదించండి..
కరోనా లక్షణాలతో మావోయిస్టులు, వారి కుటుంబ సభ్యులు ఉన్నట్లయితే సమీప పోలీస్స్టేషన్ లో సంప్రదించి చికిత్స(TREATMENT) పొందాలన్నారు. స్వచ్ఛందంగా ముందుకు వచ్చేవారికి పోలీసు శాఖ అండగా ఉంటుందని ఎస్పీ ప్రకటించారు. మావోయిస్టు అగ్ర నాయకులు దీనిపై కొంచెం ఆలోచించాలని విజ్ఞప్తి చేశారు.