రక్త దానం చేయండి.. ప్రాణాలను నిలబెట్టండి

లాక్ డౌన్ వేళ దాతలు ముందుకొచ్చి రక్తదానం చేయాలని స్వచ్చంధ సంస్థలు పిలుపునిస్తున్నాయి. రక్త నిల్వలు తక్కువగా ఉన్న నేపథ్యంలో.. ప్రభుత్వ మార్గదర్శకాల మేరకు దాతలు ముందుకు రావాలని కోరుతున్నాయి.

లాక్ డౌన్​తో ప్రజలు ఇళ్లకే పరిమితమయ్యారు. వైద్య విపత్కర సమయాల్లో అందుబాటులో ఉన్న రక్త నిల్వలు వినియోగించారు. ఈ పరిణామంతో గర్భిణులు, లుకేమియాతో పాటు ఇతర ఆరోగ్య సమస్యలు ఎదుర్కొంటున్నవారు.. అవసరమైన వేళలో రక్తం అందక తీవ్ర ఇబ్బందులు పడుతున్నారు. ఈ సమస్యను అధిగమించేందుకు విశాఖలోని ప్రగతి భారతి ఫౌండేషన్, రెడ్ క్రాస్ సంస్థలు సంయుక్తంగా రక్త దాతలను ఆహ్వానించి రక్త నిల్వలను పెంచుతున్నారు. లాక్ డౌన్ సమయంలో ముందుకు వచ్చి అందుబాటులో ఉన్నవారు రక్తదానం చేయాలని కోరుతున్నారు.