వైకాపా సమన్వయకర్త పదవికి ఎమ్మెల్యే వాసుపల్లి రాజీనామా

MLA Vasupalli Ganesh kumar resigned: వైకాపా సమన్వయకర్త పదవికి విశాఖ దక్షిణ నియోజకవర్గ ఎమ్మెల్యే వాసుపల్లి గణేశ్‌కుమార్ రాజీనామా చేశారు. నేతల తీరుతో తన గౌరవానికి భంగం కలిగిందని లేఖలో పేర్కొన్నారు.

MLA Vasupalli Ganesh kumar: విశాఖ దక్షిణ నియోజకవర్గ వైకాపా సమన్వయకర్త పదవికి ఎమ్మెల్యే వాసుపల్లి గణేశ్‌కుమార్ రాజీనామా చేశారు. గత కొద్ది రోజులుగా బ్రాహ్మణ కార్పొరేషన్‌ ఛైర్మన్‌ సీతంరాజు సుధాకర్‌, వాసుపల్లికి మధ్య విభేదాలు నేలకొన్న విషయం తెలిసిందే. ఈ విషయాన్ని బహిరంగంగానే వాసుపల్లి మీడియా ముందు ప్రస్తావించారు. ఈ నేపథ్యంలో కొన్ని రోజుల క్రితం విశాఖ, అనకాపల్లి, అల్లూరి జిల్లా ప్రాంతీయ సమన్వయకర్త, తితిదే ఛైర్మన్​ ​వైవీ సుబ్బారెడ్డి విశాఖ పర్యటనకు వెళ్లారు. ఆ సందర్భంగా ఏర్పాటు చేసిన పార్టీ సమావేశంలో ఇరువురి నేతల మధ్య విభేదాలు మరోసారి బహిర్గతమైనట్లు తెలుస్తోంది.

నేతల మధ్య విభేదాల నేపథ్యంలో బలనిరూపణ చేసుకోవాలని వాసుపల్లి గణేశ్‌కు వైకాపా నేతలు సూచించినట్లు సమాచారం. దీంతో మనస్తాపం చెందిన వాసుపల్లి గణేశ్​ కుమార్.. తాజాగా విశాఖ దక్షిణ నియోజకవర్గ వైకాపా సమన్వయకర్త పదవికి రాజీనామా చేశారు. తన రాజీనామా లేఖను వైవీ సుబ్బారెడ్డి, విశాఖ పార్లమెంటరీ అధ్యక్షుడు అవంతికి పంపారు. నేతల తీరుతో తన గౌరవానికి భంగం కలిగిందని లేఖలో వాసుపల్లి పేర్కొన్నారు.

ఇదీ చదవండి: