మేకిన్ ఇండియా స్ఫూర్తి నింపుతాడు మా 'మల్లేశం'

విశాఖలో మల్లేశం చిత్రబృందం సందడి చేసింది. మద్దిపాలెంలోని సీఎమ్​ఆర్ షాపింగ్ మాల్​లో చేనేత కార్మికులతో ముచ్చటించారు.​ కథానాయకుడు ప్రియదర్శితో ఫోటోలు దిగేందుకు యువత పోటీపడ్డారు.

ప్రజల్లో 'మేకిన్‌ ఇండియా' స్ఫూర్తి నింపేందుకు మల్లేశం సినిమా ఉపయోగపడుతుందని ఆ సినిమా దర్శకుడు రాజ్‌ అన్నారు. విశాఖ మద్దిలపాలెంలోని సీఎమ్​ఆర్ షాపింగ్‌ మాల్‌లో మల్లేశం చిత్ర విజయ యాత్ర జరిగింది. చిత్రబృందంతోపాటు చేనేత కార్మికులను సీఎమ్​ఆర్ అధినేత వెంకటరమణ సత్కరించారు. అనంతరం చిత్ర బృందం చేనేత కార్మికులతో ముచ్చటించింది. జాతీయస్థాయిలోనూ మల్లేశం చిత్రానికి గుర్తింపు రావడం సంతోషంగా ఉందని నటుడు ప్రియదర్శి అన్నారు. తల్లి కష్టాలు తీర్చేందుకు ఓ సామాన్యుడు పడిన కష్టాన్ని ఈ సినిమా ఆవిష్కరించిందని నటి అనన్య చెప్పారు.