Janasena: దాడికి పాల్పడిన వైకాపా కార్యకర్తలను అరెస్టు చేయాలి: జనసేన

స్థానిక సంస్థల పోలింగ్ సందర్భంగా జీవీఎంసీ 31 వార్డులో జనసేన వీర మహిళలపై దాడి చేసిన వ్యక్తులపై కేసు నమోదు చేయాలని ఆ పార్టీ కార్యకర్తలు నిరసన వ్యక్తం చేశారు. దాడి ఘటనపై నిన్న ఫిర్యాదు చేసినా..పోలీసులు ఇప్పటివరకు స్పందించలేదని మండిపడ్డారు.

స్థానిక సంస్థల పోలింగ్ సందర్భంగా జీవీఎంసీ 31 వార్డులో జనసేన వీర మహిళలపై నిన్న దాడికి పాల్పడిన వ్యక్తులపై కేసు నమోదు చేయకపోవటంపై జనసేన కార్యకర్తలు ఆగ్రహం వ్యక్తం చేశారు. ఈ మేరకు మహారాణి పేట స్టేషన్ ఎదుట బైఠాయించి ఆందోళన నిర్వహించారు. పోలింగ్ బూత్ 16 వద్ద వీర మహిళలపై దాడి చేసిన వైకాపా కార్యకర్తలను వెంటనే అరెస్ట్​ చేయాలని డిమాండ్ చేశారు. ఈ విషయంపై పోలీసులు స్పందిచకపోతే.. జనసేన అధినేత పవన్ కల్యాణ్​తో కలిసి స్టేషన్ ముట్టడిస్తామని హెచ్చరించారు.

ఇదీ చదవండి