దేశవ్యాప్త లాక్డౌన్లో భాగంగా భారతీయ రైల్వే ప్రయాణికుల రవాణా పూర్తిగా నిలిపివేసినా.. ఇతర రవాణాకు ఉపయోగిస్తోంది. ప్రధానంగా విద్యుత్ ఉత్పత్తికి అవసరమైన బొగ్గును పరిశ్రమలకు అందిస్తోంది. తూర్పు కోస్తా రైల్వే పరిధిలోని తాల్చేరు నుంచి చాలా రాష్ట్రాలకు బొగ్గును సరఫరా చేస్తోంది.
లాకౌడౌన్ మొదలైన మార్చి 22 నుంచి ఏప్రిల్ 27 వరకు పదిన్నర టన్నుల బొగ్గును తాల్చేర్ నుంచి వివిధ పవర్ ప్లాంట్ లకు తూర్పు కోస్తా రైల్వే అధికారులు రవాణా చేశారు. తూర్పు కోస్తా రైల్వే పరిధిలో అతి పెద్ద బొగ్గు నిక్షేపాలు ఉన్న ప్రాంతం తాల్చేర్. మహానది పరివాహక ప్రాంతంలో ఒడిశాలో ఉన్న ఈ బొగ్గు గని నుంచి దేశంలో వివిధ ప్రాంతాలకు నల్ల బంగారాన్ని రవాణా చేశారు.
మొత్తం 11 బొగ్గు సైడింగ్ ఈ ప్రాంతంలో ఉన్నాయి. వీటి పరిధిలో మొత్తం 6.48 మిలియన్ టన్నుల ధర్మల్ కోల్ను 1,695 రైళ్ల ద్వారా పంపారు. పారాదీప్ పోర్ట్ ట్రస్ట్ కోసం కోక్, కోల్ ఇతర మినరల్స్ను ఒకటిన్నర మిలియన్ టన్నులు, దిగుమతి కోల్ 322 రైలు ద్వారా రవాణా చేసింది. దమార పోర్టు థర్మల్ కోల్ 1.2 మిలియన్ టన్నులు 295 రైళ్ల ద్వారా వివిధ పరిశ్రమలకు పంపింది.