విశాఖలో ఎల్జీ పాలిమర్స్ ఘటనపై హైపవర్ కమిటీ భేటీ అయ్యింది. అటవీ, పర్యావరణ శాఖ స్పెషల్ ఛీఫ్ సెక్రటరీ నీరబ్ కుమార్ ప్రసాద్ నేతృత్వంలో ఈ సమావేశం జరుగుతోంది. పరిశ్రమల శాఖ ముఖ్య కార్యదర్శి కరికాల వలనన్, విశాఖ జిల్లా కలెక్టర్ వినయ్ చంద్, విశాఖ నగర సీపీ ఆర్కే మీనాలు కమిటీలో ఉన్నారు.
హైపవర్ కమిటీ మూడు రోజులపాటు విశాఖ నగరంలోనే బస చేయనుంది. ఆంధ్ర విశ్వవిద్యాలయం పర్యావరణ శాస్త్ర నిపుణులు ఆచార్య బాలప్రసాద్, ఐఐపీఈ డైరెక్టర్ ఆచార్య డీవీ ప్రసాద్లతో కమిటీ సభ్యులు చర్చించనున్నారు. ఎల్జీ పాలిమర్స్ ప్రమాద ఘటనపై వివిధ కమిటీల నివేదికలను హైపవర్ కమిటీ అధ్యయనం చేయనుంది. నిపుణులతో అనేక అంశాలను చర్చించనుంది.