భారీ వర్షానికి ఉప్పొంగి ప్రవహిస్తున్న వరహాల గడ్డ విజయనగరం జిల్లా పార్వతీపురంలో శుక్రవారం రాత్రి కురిసిన భారీ వర్షానికి పలు కాలనీలు ముంపునకు గురయ్యాయి. వరహాల గడ్డ ఉప్పొంగి ప్రవహిస్తోంది. వరహాల గడ్డ నీరు బైపాస్ కాలనీలో చేరడంతో వందలాది ఇళ్లు నీట మునిగాయి. శుక్రవారం అర్ధరాత్రి సమయంలో ఇళ్లల్లోకి నీరు చేరడంతో అక్కడివారు జాగారం చేస్తూ గడిపారు. తహశీల్దార్ శివన్నారాయణ, కమిషనర్ ప్రసాదరావు...బైపాస్ కాలనీలో పరిస్థితిని పరిశీలించి.. సహాయక చర్యలు చేపట్టారు. వార్డు మాజీ కౌన్సిలర్ ద్వారపురెడ్డి శ్రీనివాసరావు కాలనీవాసులకు ఆహారం అందజేశారు. ఎప్పుడు వర్షం కురిసినా తమ పరిస్థితి ఇదేనంటూ కాలనీవాసులు ఆవేదన వ్యక్తం చేస్తున్నారు.
ఇవి కూడా చదవండి:
