విశాఖలోని గాజువాక కూడలి వద్ద ట్రాఫిక్ సమస్యతో ఇబ్బంది పడుతున్నామని స్థానికులు వాపోతున్నారు. ఇక్కడ ఫ్లై ఓవరు నిర్మించేలా చర్యలు తీసుకొని సమస్య పరిష్కరించాలంటూ ప్రయాణికులు కోరుతున్నారు. విశాఖ నుంచి విజయవాడ, హైదరాబాద్, బెంగళూరు, చెన్నై వెళ్లే వాహనదారులు... గాజువాక కూడలి నుంచే వెళ్లాల్సి ఉంటుంది. ఇక్కడ గంటల కొద్ది ట్రాఫిక్ ఆగిపోయి సమస్యలు ఎదుర్కొంటున్నామంటున్నారు ప్రయాణికులు. పారిశ్రామిక ప్రాంతమైన గాజువాకలో స్టీల్ ప్లాంట్, ఫార్మా సిటీ, హిందుస్థాన్ షిప్ యార్డ్, సెజ్లు, వివిధ విద్యా సంస్థలు ఉన్నందున వాహనాల సంఖ్య పెరిగి...రోడ్డు మార్గం రద్దీగా మారింది.
'గాజువాక కూడలి వద్ద ఫ్లైఓవర్ ఏర్పాటు చేయండి'