రక్షణ మంత్రి రాజ్​నాథ్​​తో సీఎం భేటీ

కేంద్ర మంత్రి రాజ్​నాథ్​ సింగ్ రెండు రోజుల పర్యటనలో భాగంగా విశాఖకు చేరుకున్నారు. విశాఖ తూర్పునౌకదళ స్థావరంలో వివిధ స్థాయి అధికారులతో సమీక్షలు, స్థావర సందర్శన చేశారు.

రక్షణ మంత్రి రాజ్​నాథ్ సింగ్ తొలిసారిగా విశాఖలో పర్యటిస్తున్నారు. ఈ పర్యటనలో ఆయన తూర్పు నౌకాదళ ప్రధాన స్థావరం(ఈఎన్​సీ) వీక్షణ, వివిధ యూనిట్ల సందర్శన, నౌకాదళాధికార్లతో భేటీ అయ్యారు. ఈ ఉదయం 11.48 గంటలకు విశాఖ ఈఎన్​సీకి...దిల్లీ నుంచి ఐఎఎఫ్​ ప్రత్యేక విమానంలో చేరుకున్నారు. రాజ్​నాథ్​కు నౌకాదళాధిపతి అడ్మిరల్ కరంబీర్ సింగ్, తూర్పు నౌకాదళ ప్రధానాధికారి వైస్ అడ్మిరల్ ఎ.కె.జైన్, మంత్రి అవంతి శ్రీనివాసు, జిల్లా కలెక్టర్ వినయ్ చంద్ స్వాగతం పలికారు. నేవీ హెలీకాప్టర్​ ద్వారా నావికాదళంలోని వివిధ యూనిట్లు, స్థావరాలను ఆయన విహంగ వీక్షించారు. రాజ్​నాథ్ సింగ్ ఆదివారం ప్రత్యేక సమీక్షలు నిర్వహించనున్నారు. సమీక్షల అనంతరం రేపు మధ్యాహ్నం రెండు గంటలకు తిరిగి దిల్లీకి తిరుగు ప్రయాణమవుతారు.

రాజ్​నాథ్​ను కలిసిన ముఖ్యమంత్రి

విశాఖ చేరుకున్న ముఖ్యమంత్రి జగన్​కు.. విమానాశ్రయంలో మంత్రులు అవంతి, మోపిదేవి, ధర్మాన, ఉత్తరాంధ్ర వైకాపా నేతలు స్వాగతం పలికారు. కాసేపు నేతలతో ముచ్చటించిన సీఎం.. తూర్పు నౌకాదళ కార్యాలయానికి వెళ్లారు. ఈఎన్​సీలో రక్షణమంత్రి రాజ్​నాథ్ సింగ్​తో భేటీ అయ్యారు. వారితో కలిసి విందులో పాల్గొన్న అనంతరం ప్రత్యేక విమానంలో గన్నవరం చేరుకొని అక్కడనుంచి సీఎం నివాసానికి చేరుకున్నారు.

ఇదీ చదవండి : మెున్న మెుదలైంది... అప్పుడే ఆగిపోయింది!