రెండు నెలలుగా సుధాకర్ పరిస్థితిపై సీబీఐ ఆరా

మానసిక వైద్యుడు సుధాకర్​ కేసులో సీబీఐ విచారణ కొనసాగుతోంది. గత రెండు నెలలుగా డా.సుధాకర్​కు ఎదురైన పరిస్థితులపై కుటుంబ సభ్యుల నుంచి సీబీఐ వివరాలు సేకరిస్తోంది. ఇప్పటికే సుధాకర్​ను అరెస్టు చేసిన ప్రాంతం, విశాఖ 4వ పట్టణ పోలీసు స్టేషన్​లను సీబీఐ అధికారులు పరిశీలించారు.

నర్సీపట్నం వైద్యుడు సుధాకర్ కేసులో సీబీఐ విచారణ కొనసాగుతోంది. సుధాకర్ తల్లి కావేరి బాయిని సీబీఐ అధికారులు విచారిస్తున్నారు. సోమవారం సీబీఐ కార్యాలయంలో సుధాకర్ పెద్ద కుమారుడు లలిత్​ను సీబీఐ బృందం విచారించింది. సుధాకర్​కు సంబంధించి రెండు నెలలుగా ఎదురైన పరిస్థితుల గురించి కుటుంబ సభ్యుల నుంచి వివరాలు సేకరిస్తున్నారు.

గత నెల 16న వివాదం తలెత్తిన ఘటనా స్థలాన్ని సైతం సీబీఐ అధికారులు ఇప్పటికే పరిశీలించారు. అనంతరం సుధాకర్​ను తీసుకువెళ్లిన 4వ పట్టణ పోలీసు స్టేషన్, కేజీహెచ్​లో విచారణ జరిపారు. సీసీటీవీ దృశ్యాలను పరిశీలించారు.

ఇదీ చదవండి :విజయవాడ గ్యాంగ్ వార్​: వెలుగులోకి కీలక అంశాలు