కేంద్రం నిధులు ఇస్తున్నా పోలవరం పూర్తి చేయలేని స్థితిలో రాష్ట్ర ప్రభుత్వం ఉందని భాజపా నేత విష్ణువర్ధన్ రెడ్డి విమర్శించారు. పోలవరం ప్రాజెక్ట్ పూర్తి జరిగి భాజపాకు పేరు వచ్చే సమయంలో... రాష్ట్రంలోని అధికార విపక్షాలు కేంద్రంపై కుట్ర చేస్తున్నాయని ఆరోపించారు. పోలవరం ప్రాజెక్ట్ పై వేసిన సాంకేతిక కమిటీ, పోలవరం అథారిటీలు నిర్మాణ వ్యయం ఇతర అంశాలు పరిశీలిస్తారని చెప్పారు.
కమిషన్ కోసం కక్కుర్తి పడే పార్టీలు కేంద్రంలో ఉన్న భాజపాను విమర్శించే నైతికత వాటికి లేదన్నారు. ఇప్పుడు లేఖలు రాస్తున్నవారు పోలవరానికి నిధులు ఇచ్చినప్పుడు అభినందిస్తూ లేఖ ఎందుకు రాయలేదో చెప్పాలన్నారు. రాష్ట్రంలో రివర్స్ టెండరింగ్ కాదని... రివర్స్ పాలన సాగుతోందన్నారు విష్ణువర్దన్‌రెడ్డి.