పశ్చిమ బంగాల్ లో ఎన్నిక ఫలితాలు ప్రకటించాక తృణమూల్ కాంగ్రెస్ ఆధ్వర్యంలో భాజపా నాయకులు, కార్యకర్తలపై దాడులు, మహిళా కార్యకర్తలపై అత్యాచారాలు జరుగుతున్నాయని రాష్ట్ర ఉపాధ్యక్షులు విష్ణు కుమార్ రాజు ఆరోపించారు.
ప్రస్తుత పరిస్థితులు 1971 లో బంగ్లాదేశ్లో నెలకొన్న భయానక సంఘటనలను గుర్తుచేస్తున్నాయని ఆయన వ్యాఖ్యానించారు. అక్కడ జరుగుతున్న మారణకాండకు నిరసనగా.. విశాఖ జిల్లా పార్టీ కార్యాలయంలో నిర్వహించిన ధర్నాలో పాల్గొన్నారు. దోషులను వెంటనే శిక్షించాలని డిమాండ్ చేశారు. అక్కడ మమత ప్రవర్తన అత్యంత దారుణంగా ఉందని విమర్శించారు.