ఆంధ్ర ఊటీ అరకులోయకు సమీపంలో హొయలొలికించే జలపాతం ప్రకృతి ప్రేమికులను కట్టిపడేస్తోంది. అరకు లోయకు సమీపంలోని డుంబ్రిగూడ మండలం లైగండ గ్రామ సమీపంలో సుమారు 100 అడుగుల ఎత్తు నుంచి జాలువారుతున్న జలపాతం చూపరులను మంత్ర ముగ్దులను చేస్తోంది. 6 బండరాళ్ల మధ్య నుంచి జాలువారుతున్న నీటి సోయగాలు అందరినీ ఆశ్చర్యానికి గురి చేస్తున్నాయి. అరకులోయ లైగండ సమీపంలోని జలపాతం అందరినీ ఆనందపరుస్తున్నాయి. ప్రభుత్వం పర్యాటక శాఖ ఈ జలపాతానికి కొత్త సొబగులు అద్ది అభివృద్ధి చేస్తే అరకులోయ సిగలో మరోకొత్త అందం చేరుతుందని స్థానికులు అంటున్నారు. అధికారులు స్పందించి ఆ దిశగా చర్యలు తీసుకోవాలని గిరిజనులు కోరుతున్నారు.
అలరిస్తున్న అరకులోయ అందాలు...