విశాఖలో.. అలరించిన బీచ్ కుస్తీ పోటీలు

విశాఖలో బీచ్ కుస్తీ పోటీలు ఘనంగా జరిగాయి. ఛాంపియన్​గా విశాఖ జట్టు నిలిచింది. ఈ పోటీల్లో ప్రతిభ కనబరిచిన క్రీడాకారులను జతీయ స్థాయిలో జరిగే పోటీలకు పంపనున్నారు.

విశాఖ బీచ్​లో రాష్ట్రస్థాయి బీచ్ కుస్తీ పోటీలు ఘనంగా జరిగాయి. ఈ పోటీలకు వివిధ జిల్లాల నుంచి క్రీడాకారులు హాజరయ్యారు. ఈ పోటీల్లో ఓవర్ ఆల్ ఛాంపియన్​గా విశాఖ జట్టు నిలిచింది. తరవాత స్థానాన్ని తూర్పుగోదావరి జిల్లా జట్టు నిలుపుకుంది. జిల్లా వాలీబాల్ అసోసియేషన్ ప్రెసిడెంట్, విశాఖ వెస్ట్ శాసన సభ్యులు పీవీజీఆర్ గణబాబు క్రీడాకారులకు బహుమతులు అందించారు.

ఈ పోటీల్లో ప్రతిభ కనబరిచిన క్రీడాకారులను జతీయ స్థాయిలో జరిగే పోటీలకు పంపనున్నారు. బీచ్ కుస్తీ పోటీలు విశాఖలో నిర్వహించడం ఇదే మొదటి సారి. రానున్న రోజుల్లో జాతీయ పోటీలకు విశాఖ వేదిక అవుతుందని నిర్వాహకులు ఆశాభావం వ్యక్తం చేశారు.

ఇదీ చదవండి: theft in simhachalam temple : సింహాద్రి అప్పన్న అనుబంధ ఆలయంలో చోరీ