ఆంధ్రప్రదేశ్ మెడ్టెక్ జోన్లో ఉత్పత్తి అవుతున్న కరోనా టెస్టింగ్ కిట్లు అందుబాటులోకి వచ్చాయి. ర్యాపిడ్‌ టెస్టింగ్ కిట్లను ముఖ్యమంత్రి జగన్ ఈరోజు పరిశీలించారు. వైరస్‌ పరీక్షల కోసం పరిశ్రమలశాఖ ఆధ్వర్యంలో విశాఖ మెడ్టెక్ జోన్లో ఈ కిట్లను తయారు చేశారు. ప్రస్తుతానికి వెయ్యి కిట్లను రాష్ట్ర ప్రభుత్వం అందుబాటులోకి తీసుకువచ్చింది. 50 నిమిషాల్లో కరోనా పరీక్ష చేసి ఫలితం తెలుసుకునే సామర్థ్యం ఈ కిట్లకు ఉందనిపరిశ్రమల శాఖ ప్రత్యేక ప్రధాన కార్యదర్శి రజత్ భార్గవ తెలిపారు. ఒక కిట్‌తో రోజుకు 20 మందికి పరీక్షలు చేసే అవకాశం ఉందని వివరించారు. వారంలోగా 10 వేల టెస్టింగ్ కిట్లు అందుబాటులోకి వస్తాయన్నారు.విశాఖ మెడ్టెక్ జోన్ లో ఉత్పత్తి అయిన ఈ కరోనా టెస్టింగ్ కిట్ ఎలా పని చేస్తుందన్నది ఆయన వివరించారు.
మెడ్టెక్ జోన్ నుంచి కరోనా టెస్టింగ్ కిట్లు