భారత నౌకాసంపత్తిలోకి మరో యుద్ధ నౌక

భారత నౌకాసంపత్తిలో మరో యుద్ధ నౌక చేరింది. ఐఎన్ఎస్ కవ్రత్తి యుద్ధనౌకను ఆర్మీ చీఫ్ జనరల్ మనోజ్ ముకుంద్ నరవణే లాంఛనంగా ప్రవేశపెట్టారు. దీన్ని దేశీయ డిజైన్​తో రూపొందించారు. అత్యున్నత స్థాయి ఆయుధాలను గుర్తించే సెన్సార్​లు ఉండటం ఈ నౌత ప్రత్యేకత. కమాండర్ సందీప్ సింగ్ ఈ నౌకకు తొలి కమాండింగ్ అధికారిగా వ్యవహరిస్తున్నారు.

భారత నౌకాదళం సంపత్తిలో మరో యుద్ధనౌక చేరింది. యాంటి సబ్​మెరైన్ వార్ ఫేర్ ప్రాజెక్టు-28 కమోర్ట తరగతిలోని చివరిదైన ఐఎన్ఎస్ కవ్రత్తి యుద్ధనౌకను ఆర్మీ చీఫ్ జనరల్ మనోజ్ ముకుంద్ నరవణే లాంఛనంగా ప్రవేశపెట్టారు. విశాఖలోని నౌకాదళ డాక్ యార్డులో జరిగిన ఈ కార్యక్రమంలో.. తూర్పు నౌకాదళ ప్రధానాధికారి వైస్ అడ్మిరల్ అతుల్ కుమార్ జైన్, ఈ యుద్ధ నౌకను నిర్మించిన గార్డెన్ రీచ్ షిప్ బిల్డర్స్ అండ్ ఇంజినీర్లు(జిఆర్​ఎస్​ఈ) కోల్​కత్తా సంస్థ సీఎండీ రియర్ అడ్మిరల్ విపిన్ కుమార్ సక్సేనా ఇతర ఉన్నతాధికార్లు పాల్గొన్నారు.

నౌకాదళంలోకి ఈ తరగతి కింద నాలుగు నౌకలు దేశీయంగానే రూపొందించారు. దేశీయ డిజైన్​తో రూపొందించిన ఈ సబ్​మెరైన్ వార్ ఫేర్, డైరక్టరేట్ ఆఫ్ నేవల్ డిజైన్ ఇచ్చిన ప్రమాణాలతో కోల్​కత్తాలోని గార్డెన్ రీచ్ షిప్ బిల్డర్స్ అండ్ ఇంజినీర్ల సంస్థ ఆత్మనిర్భర్ భారత్ కింద ఈ నౌకలను తయారుచేసింది. ఈ తరగతిలో 2014లో కమోర్ట, 2016లో కడ్మట్, 2017లో కిల్తన్ నౌకలను నౌకాదళంలో ప్రవేశపెట్టారు. ఈ తరగతిలో ఐఎన్ఎస్ కవ్రత్తి చివరిది. వీటివల్ల దేశీయంగా మన రక్షణ దళాలకు అదనపు ఆయుధ సంపత్తి సమకూరింది.

ఈ నౌకలో అత్యున్నత స్థాయి ఆయుధాలను గుర్తించే సెన్సార్​లున్నాయి. జలాంతర్గాముల కదలికలను పసిగట్టగలిగే వ్యవస్థలు ఈ యుద్ధనౌకలో ఉన్నాయి. దీర్ఘకాలం సముద్రంపై పోరాడగల సత్తా ఈ నౌకల సొంతం. సముద్రంపై ఈ నౌక సత్తాను పలుమార్లు విజయవంతంగా పరీక్షించారు. అన్ని రకాల పరీక్షల్లో ఈ నౌకలు తమ సామర్ధ్యాన్ని రుజువు చేసుకున్నాయి. కవ్రత్తి లక్ష ద్వీప్ రాజధాని అర్నల తరగతి మిస్సైల్ నుంచి ఈ పేరు తీసుకున్నారు. ఈ నౌక 109 మీటర్ల పొడవు, 14 మీటర్ల వెడల్పు ఉంది. 3300 టన్నుల సామర్ధ్యం ఈ నౌక సొంతం. ఈనౌకలో 134 మంది నావికులు, 12 మంది అధికార్లు ఉంటారు. కమాండర్ సందీప్ సింగ్ ఈ నౌకకు తొలి కమాండింగ్ అధికారిగా వ్యవహరిస్తున్నారు. తూర్పు నౌకాదళంలో ఇది ఉంటుంది.

ఇదీ చదవండీ... ఆరునెలలు గడిచినా అందని సాయం..ఎల్జీ పాలిమ్స్‌ ఘటన బాధితుల ఆందోళన