ఏడాదిలో జగన్ తెచ్చింది మాఫియా రాజ్యమే: యనమల

ఏడాదిలో ముఖ్యమంత్రి జగన్ తెచ్చింది మాఫియా రాజ్యమేనని తెదేపా నేత యనమల రామకృష్ణుడు విమర్శించారు. ఏడాదిలో రూపాయి అభివృద్ధి జరగలేదని వైకాపా ఎమ్మెల్యేలే చెప్పారని పేర్కొన్నారు.

రాష్ట్రంలో ప్రస్తుతం ఉన్నది డెమోక్రసీ కాదని.. క్లిప్టోక్రసీ అని తెదేపా నేత యనమల రామకృష్ణుడు విమర్శించారు. ఏడాది పాలనపై ధ్వజమెత్తిన ఎమ్మెల్యేలే అందుకు సాక్ష్యమని పేర్కొన్నారు. ప్రజల్లో వ్యతిరేకత చూసే జగన్ ప్రభుత్వంపై ధ్వజమెత్తారన్నారు. 'అభివృద్ధి నిల్-అవినీతి ఫుల్‌' అని తెదేపా ఎప్పటినుంచో చెబుతోందన్నారు. ఏడాదిలో రూపాయి అభివృద్ధి చేయలేదని వైకాపా ఎమ్మెల్యేలే చెప్పారని యనమల గుర్తు చేశారు.

ఇదీ చదవండి: దివ్య హత్య కేసులో ఆరుగురు నిందితులు అరెస్ట్