పీఎం ఆవాస్ యోజన పథకం ప్రయోజనాలేంటి: హైకోర్టు

ప్రధాన మంత్రి ఆవాస్ యోజన పథకంలో భాగంగా రాష్ట్రానికి కేంద్రం ఎంత నిధులు కేటాయించిందో తెలపటంతో పాటు ఆ పథకం ప్రయోజనాలేంటో వివరించాలని ప్రభుత్వాన్ని హైకోర్టు ఆదేశించింది. కేంద్ర-రాష్ట్ర ప్రభుత్వాలు పూర్తి వివరాలతో అఫిడవిట్ దాఖలు చేయాలని సూచించింది.

పీఎం ఆవాస్ యోజన పథకం కింద రాష్ట్రంలో నిర్మించిన ఇళ్లను ప్రభుత్వం లబ్ధిదారులకు ఇవ్వటం లేదంటూ... దాఖలైన పిటిషన్​పై హైకోర్టులో విచారణ జరిగింది. రాష్ట్రంలో 85 వేల ఇళ్ల నిర్మాణాలు పూర్తైనా.. ప్రభుత్వం పేదలకు కేటాయించటం లేదని పిటిషనర్​ తరపు న్యాయవాది వాదనలు వినిపించారు. ఇప్పటివరకు రాష్ట్రానికి కేంద్రం ఎంత నిధులు కేటాయించింది, ప్రధాని ఆవాస్ యోజన పథకం ప్రయోజనాలు ఏంటని హైకోర్టు ప్రశ్నించింది. కేంద్ర-రాష్ట్ర ప్రభుత్వాలు పూర్తి వివరాలతో అఫిడవిట్ దాఖలు చేయాలని‌ న్యాయస్థానం ఆదేశించింది. విచారణను నాలుగు వారాలకు వాయిదా వేసింది.

ఇదీచదవండి

రాష్ట్రంలో తెరుచుకోని థియేటర్లు.. కారణాలివే..