'పింఛన్లు - కరెంట్ బిల్లుకు లింక్ ఏంటి?'

వెయ్యి ఉన్న పింఛన్లను 2,250 కి పెంచామని జగన్ అసత్య ప్రచారం చేసుకుంటున్నారని తెదేపా నేత అచ్చెన్నాయుడు విమర్శించారు. పింఛన్లతో కరెంట్ బిల్లులకు లింక్ పెట్టడమేంటని వైకాపా ప్రభుత్వాన్ని ప్రశ్నించారు.

కరెంట్ బిల్లులతో పింఛన్లకు లింక్ పెట్టడమేంటని వైకాపా ప్రభుత్వాన్ని తెదేపా నేత అచ్చెన్నాయుడు నిలదీశారు. పింఛన్ల పంపిణీ కోసం జగన్ అదనంగా 1600 కోట్లు ఖర్చు చేస్తున్నారని విమర్శించారు. ఆ డబ్బుతో లక్షల మందికి పింఛన్లు ఇవ్వవచ్చని పేర్కొన్నారు. వెయ్యి ఉన్న పింఛన్లను 2 వేల 250కి పెంచామని అసత్యప్రచారం చేసుకుంటున్నారని విమర్శించారు. తమ ప్రభుత్వ హయాంలోనే పింఛన్లు 2 వేలుగా ఉండేదని ఆ విషయం ప్రజలందరికీ తెలుసునని అన్నారు. వైకాపా కార్యకర్తలకు మాత్రమే పింఛన్లు మంజూరు చేస్తున్నారని విమర్శించారు. ప్రభుత్వానికి చిత్తశుద్ధి ఉంటే పింఛన్లతో ఆధార్ లింక్ చేయాలని సవాల్ విసిరారు.

ఇదీచదవండి