మహిళల అణచివేతలో వస్తోన్న కొత్త పోకడలపై విచారణ సంస్థలు దృష్టి పెట్టాలని రాష్ట్ర మహిళా కమిషన్ ఛైర్‌పర్సన్‌ వాసిరెడ్డి పద్మ సూచించారు. మహిళల అక్రమ రవాణా, లైంగిక అణచివేత - భద్రత అంశాలపై విజయవాడ మేరీ స్టెల్లా కళాశాల ఆధ్వర్యంలో ఏర్పాటు చేసిన మూడు రోజుల వెబ్‌నార్‌ ప్రారంభోత్సవానికి ఆమె ముఖ్యఅతిధిగా హజరయ్యారు.
అమెరికా, ఆఫ్రికా, ఫిలిప్పైన్స్, నేపాల్, పాకిస్థాన్, వియాత్నం, ఇటలీతోపాటు మన దేశంలోని 13 రాష్ట్రాల ప్రతినిధులు ఈ వెబినార్‌లో పాల్గొన్నారు. రాష్ట్రంలో మహిళల అక్రమ రవాణా నిరోధించటానికి తాము ప్రతి జిల్లాలో ప్రత్యేక యూనిట్లను ఏర్పాటు చేసి వాటి బాధ్యతలను పోలీస్ అధికారులకు అప్పగించినట్లు వాసిరెడ్డి పద్మ వివరించారు.