కరోనా వ్యాప్తిని అరికట్టేందుకు పోలీసులు హోమ్ ఐసోలేషన్ ఉన్న వారిపై ప్రత్యేక నిఘా ఏర్పాటు చేశారు. పెనమలూరులో గృహ నిర్భంధం నుంచి బయటకు వచ్చిన వ్యక్తిపై కేసు నమోదు చేశారు. విజయవాడలోని రైతు బజార్లలో నిబంధనలు ఏ విధంగా పాటిస్తున్నారో ప్రత్యక్షంగా సీపీ ద్వారకా తిరుమలరావు పరిశీలించారు. ప్రజలంతా స్వీయ నియంత్రణ పాటిస్తున్నారని తెలిపారు. నమోదైన 3 కరోనా పాజిటివ్ కేసులూ విదేశాల నుంచి వచ్చినవాళ్లేనని సీపీ వెల్లడించారు. అనవసరంగా రోడ్డుపైకి ప్రజలు రావద్దని .. కరోనా వ్యాప్తిని నియంత్రించేందుకు ప్రజలు సహకరించాలని విజయవాడ సీపి ద్వారకా తిరుమలరావు కోరారు.
విజయవాడ రైతుబజార్లను పరిశీలించిన సీపీ తిరుమలరావు