CS Letter: 'వెనెగోడును.. పూల సుబ్బయ్య వెలిగొండ ప్రాజెక్టుగా పేరు మార్చండి'

21:00 August 31

పూల సుబ్బయ్య వెలిగొండ ప్రాజెక్టుగా మార్చాలని కేంద్రానికి సీఎస్ లేఖ

కృష్ణా గోదావరి నదులపై ఉన్న ప్రాజెక్టులను నదీ యాజమాన్య బోర్డుల పరిధిలోకి తెస్తూ కేంద్రం జారీ చేసిన గెజిట్ నోటిఫికేషన్​లో.. మార్పు చేర్పులకు ఏపీ ప్రభుత్వం ప్రయత్నాలు చేస్తోంది. గెజిట్ నోటిఫికేషన్​పై బోర్డు సమావేశం నేపథ్యంలో అందులో అనుమతిలేని ప్రాజెక్టుగా పేర్కొన్న వెలిగొండపై కేంద్ర హోం శాఖకు లేఖ రాసింది.

ఏపీ పునర్విభజన చట్టంలోని 11వ షెడ్యూల్​లో వెనెగోడు ప్రాజెక్టు పేరును పూల సుబ్బయ్య వెలిగొండ ప్రాజెక్టుగా మార్పు చేయాలని కోరుతూ కేంద్ర హోం శాఖకు ప్రభుత్వ ప్రధాన కార్యదర్శి ఆదిత్యనాథ్ దాస్ లేఖ రాశారు. గెజిట్ జారీ దృష్ట్యా అత్యవసరంగా మార్చాలని విజ్ఞప్తి చేశారు. దీనికి సంబంధించి సవరణ నోటిఫికేషన్ జారీ చేయాలని లేఖలో పేర్కొన్నారు.

ఇదీ చదవండి: