కొవిడ్ వ్యాక్సిన్ పంపిణీకి అర్బన్ టాస్క్ ఫోర్స్ ఏర్పాటు

పట్టణ ప్రాంతాల్లో కొవిడ్ వ్యాక్సిన్ పంపిణీ కోసం అర్బన్ టాస్క్ ఫోర్స్​ ఏర్పాటు చేస్తూ ప్రభుత్వం ఉత్తర్వులు జారీ చేసింది. ఈ మేరకు ఆదేశాలు వెలువడ్డాయి.

పట్టణ ప్రాంతాల్లో కొవిడ్ వ్యాక్సిన్ పంపిణీ కోసం.. సంబంధిత మున్సిపల్ కమిషనర్.. ఛైర్ పర్సన్​గా వివిధ విభాగాలకు చెందిన 9 మందితో కమిటీ ఏర్పాటు చేశారు. మరోవైపు రాష్ట్ర, జిల్లా, మండల స్థాయి కమిటీల్లో మార్పు చేస్తూ సవరణ ఉత్తర్వులు కూడా జారీ అయ్యాయి.

రాష్ట్రస్థాయి టాస్క్ ఫోర్సు కమిటీ సభ్యుల సంఖ్యను 16కు, జిల్లా స్థాయి టాస్క్ ఫోర్స్​లో 34 మంది సభ్యులను చేరుస్తూ ప్రభుత్వం ఉత్తర్వులు సవరించింది. కొవిడ్ వ్యాక్సిన్ పంపిణీ కోసం నియమించిన కమిటీలో ప్రపంచ ఆరోగ్య సంస్థ, యూనిసెఫ్, యూఎన్​డీపీ, ఎన్జీవోస్ సంస్థతో సమన్వయం చేసుకోవాల్సిందిగా సూచనలు జారీ చేసింది.

ఇదీ చదవండి:కెరీర్ చివరిలో ఇలాంటి పిటిషన్ ఎదుర్కోవాల్సి వచ్చింది: జస్టిస్ రాకేష్ కుమార్