రాష్ట్రాన్ని రుణాంధ్రప్రదేశ్​గా మారుస్తోంది: తులసిరెడ్డి

ముఖ్యమంత్రిగా జగన్​కు పరిపాలించే అర్హత లేదని ఏపీసీసీ కార్యనిర్వహక అధ్యక్షుడు తులసిరెడ్డి ధ్వజమెత్తారు. వైకాపా ప్రభుత్వం రాష్ట్రాన్ని రుణాంధ్రప్రదేశ్​గా మారుస్తోందని విమర్శించారు.

వైకాపా ప్రభుత్వం రాష్ట్రాన్ని రుణాంధ్రప్రదేశ్​గా మారుస్తోందని ఏపీసీసీ కార్యనిర్వహక అధ్యక్షుడు తులసిరెడ్డి విమర్శించారు. రోడ్ల అభివృద్ధి కోసమంటూ చమురు ధరలపై సెస్ వసూలు చేసి రోడ్ల దుస్థితిని గాలికొదిలేసిందని మండిపడ్డారు. రోడ్ల అభివృద్ధి పేరుతో మళ్లీ ఇప్పుడు 2 వేల 205 కోట్లు బ్యాంకుల నుంచి అప్పు తీసుకోవాలని భావిస్తున్నారని విమర్శించారు. ముఖ్యమంత్రిగా జగన్​కు పరిపాలించే అర్హత లేదని ధ్వజమెత్తారు.

మోదీ పాలనలో దేశంలో ప్రజాస్వామ్యం లేకుండా పోయిందని.., పాకిస్థాన్ తరహా నియంతృత్వం రాజ్యమేలుతోందని పలు దేశాలు నివేదికలు ఇవ్వటం గమనార్హమన్నారు. భారత రాజ్యాంగానికి మూలస్తంభమైన ప్రజాస్వామ్యాన్ని పరిరక్షించుకునేందుకు ప్రజాస్వామ్యవాదులందరూ ముందుకు రావాలని కోరారు.

ఇదీచదవండి: రామకృష్ణారెడ్డి అరెస్ట్ అప్రజాస్వామికం: చంద్రబాబు