బోనాల సంస్కృతి నిజాం నవాబుల కాలం నుంచి నేటి హైటెక్‌ యుగం వరకు హైదరాబాదీల జీవనంలో భాగమైంది. ఏటా వర్షాకాలంలో వచ్చే మహమ్మారుల నుంచి రక్షించాలని ప్రకృతిని వేడుకుంటూ దాదాపు అన్ని కూడళ్లలో ఉన్న అమ్మవార్ల ఆలయాల్లో బోనాలు నిర్వహిస్తుంటారు. బోనాలకు ఒక్కో ప్రాంతంలో ఒక్కో చరిత్ర ఉంది.
1869లో జంటనగరాల్లో మలేరియా ప్రబలడంతో తీవ్ర ప్రాణనష్టం జరిగింది. అప్పుడు అమ్మవారిని ప్రసన్నం చేసుకునే పేరిట తొలి జాతర నిర్వహించారు. తర్వాత నిజాం కూడా బోనాలు అధికారికంగా నిర్వహించేందుకు ఉత్తర్వులిచ్చారు.