తెలంగాణ భాజపా రాష్ట్ర అధ్యక్షుడు బండి సంజయ్ ఆరోపణలపై ముఖ్యమంత్రి కేసీఆర్ ఘాటైన విమర్శలు చేశారు. కేంద్రాన్ని ప్రశ్నిస్తే..? దేశద్రోహులా..? అని నిలదీశారు. కేంద్రం ధాన్యం సేకరిస్తుందో లేదో తేల్చిచెప్పాలని డిమాండ్ చేశారు.
'నా ప్రశ్నకు బండి సంజయ్ స్పష్టమైన సమాధానం చెప్పలేదు. బండి సంజయ్‌కు మెడ మీద తలకాయ లేదని తేలిపోయింది. మేం పిలుపు ఇచ్చిన ధర్నాలో బండి సంజయ్ పాల్గొంటారా? నేను రైతులకు మళ్లీ చెబుతున్నా.. యాసంగిలో వరి వేయొద్దు. నేను తిట్టాకైనా.. బండి సంజయ్ కేంద్రమంత్రిని అడగొచ్చు కదా.. అడిగారా..? డీజిల్‌, పెట్రోల్‌పై సెస్‌ ఉపసంహరించుకుంటారా?.. చస్తారా..? కేంద్రం హైవేలు కట్టకుండా.. గడ్డి పీకుతుందా.. కేంద్రంలో ఎందుకు ఉన్నారు? ప్రాజెక్టులన్నీ కమీషన్ల కోసమే కట్టారా?.. సాగర్‌ కమీషన్ల కోసం కట్టారా? మా పార్టీకి వచ్చే డబ్బు గురించి పార్టీ ప్లీనరీలోనే చెప్పా. ప్రస్తుతం పార్టీలో రూ.450 కోట్ల డిపాజిట్లు ఉన్నాయి. మరో రూ.450 కోట్లు వస్తాయి. మా హద్దులు మాకు తెలుసు.. మా క్రమశిక్షణ మాకు తెలుసు.. మమ్మల్నేం చేయలేరు. కాళేశ్వరం ప్రాజెక్టును న్యూయార్క్ టైమ్స్‌ స్క్వేర్‌లో ప్రదర్శించారు. కాళేశ్వరంపై డిస్కవరీ ఛానల్‌ ప్రత్యేక కార్యక్రమం ప్రసారం చేసింది.
- కేసీఆర్, తెలంగాణ సీఎం
అప్పుడేం చేశారు ? పడుకున్నారా ?
ఏడు మండలాలను ఏపీలో కలిపినప్పుడు మీరు ఎక్కడ పడుకున్నారంటూ తెలంగాణ భాజపా నేతలను కేసీఆర్ ప్రశ్నించారు. ప్రధాని నరేంద్ర మోదీ తెలంగాణకు శాశ్వత ద్రోహం చేసినప్పుడు మీరు ఎక్కడున్నారంటూ నిలదీశారు. విభజనలో భాగంగా ఏపీలో ఏడు మండలాలను కలిపినప్పుడు నిద్రపోయారా ? అని ప్రశ్నించారు. సీలేరు ప్రాజెక్టు గుంజుకున్నప్పుడు ప్రధానిని ఫాసిస్టు అని విమర్శించినట్లు చెప్పారు. ఫాసిస్టు ఎందుకన్నావని మోదీ తనను అడిగారని చెప్పారు. రాష్ట్రానికి ద్రోహం చేసినందుకే ఫాసిస్టు అన్నానని మోదీతోనే చెప్పినట్లు కేసీఆర్ వివరించారు. రాష్ట్ర ప్రజలకు అన్యాయం జరిగితే చూస్తూ ఊరుకోనని స్పష్టం చేశారు.
రాష్ట్ర వ్యాప్తంగా దళితబంధు