తిరుపతి ఉప ఎన్నికల్లో తెదేపాదే విజయమని అన్ని నివేదికలు స్పష్టం చేస్తున్నాయని పార్టీ రాష్ట్ర అధ్యక్షుడు అచ్చెన్నాయుడు స్పష్టం చేశారు. సీఎం అసెంబ్లీని వైకాపా కార్యాలయంలా మార్చేశారని ఆరోపించారు. తెలుగుదేశాన్ని నిర్వీర్యం చేసేందుకు నిత్యం ప్రయత్నిస్తున్నారని అన్నారు. అయినా... వీరోచితంగా ఎదురొడ్డి పోరాడుతున్నారంటూ.. తెదేపా కార్యకర్తలకు శిరస్సు వంచి నమస్కరిస్తున్నానని చెప్పారు.
"మూడు రాజధానుల విషయంలో అభాసుపాలై... సీఎం తోక ముడుస్తున్నారు. జగన్ క్రిస్టియన్ ముఖ్యమంత్రి... డీజీపీ, హోం మంత్రి కూడా క్రిస్టియన్ లే... దాన్ని మేం తప్పు పట్టడం లేదు. సున్నితమైన విషయాల్లో ఈ ముగ్గురు మరింత అప్రమత్తంగా వ్యవహరించాలి" అని హితవు పలికారు. హిందు దేవలయాలపై దాడుల వెనుక ప్రభుత్వ హస్తం ఉందని ఆరోపించారు.